13.07.2024
Уйбаан Бахсылыырап - ҮҮННЭ КЫАЙЫЫ КҮНЭ!

ҮҮННЭ КЫАЙЫЫ  КҮНЭ!

Сандал саас кэллэ,
Сырдык күн үүннэ.
Бүгүн үөрүү күнэ,
Үүннэ Кыайыы күнэ!

Эһээлэр, эбээлэр
Мэтээллэрин кэттилэр,
Үөрүүлэрин үллэстэ
Парадка таҕыстылар.

Ветераннар барахсаттар
Эдэр-сэнэх саастарыгар
Уоту-ууну ортотунан
Кыайыыны аҕалбыттар.

Сүгүрүйэбит эһиэхэ
Улуу буойуттарга,
Махтанабыт эһиэхэ
Үлэни өрө туппуттарга!

Улуу сэбиэскэй норуот,
Улуу, модун Кыайыыта
Олус ыараханнык кэлбитэ,
Ону, эдэр көлүөнэ умнума!

Өрөгөй күнэ үүнэр,
Харах уута аргыстаһар --
Бу сыл ахсын буолуоҕа,
Үйэлэргэ умнуллуо суоҕа!

        2015 сыл

404 ebitem2
Комментарии:
avatar