13.07.2024
Тупсууна - Төрүт тылым

Төрүт тылым

Төрүппүттэн төрүтүм,
Тулҕатыйбат ситимим,
Төлкөлөнөр түөрэҕим -
Төрөөбүт төрүт тылым.

Илгэ тылым имэҥин,
Итии тыыннаах илбиһин
Ийэм сылаас үүтүнүүн
Иҥэриммит эбиппин.

Саймаарыйар дорҕоонун
Сылаанньыйа истэбин,
Сырдык, ыраас сүмэтин
Сүрэхпэр иҥэрэбин.

Сахам тыла сайыннын-
Симэлийэ сүппэтин,
Силис-лабаа тардынан
Самныбат саргыланнын.

Тупсууна.Дьокуускай куорат.

346 ebitem2
Комментарии:
avatar