12.07.2024
Сайылык Уола - Ньургуһунуом

Ньургуһунуом

Нуоҕал намчы ньургуһуннар
Налымнаһа үүммүттэр,
Нарын иэйии иҥэрэннэр
Сүрэхтэри сүөрбүттэр.

Сааскы кырдал симэхтэрэ
Сэгэҥнэһэ үөрбүттэр,
Сэргэстэһэ сэлэлээннэр
Сэгэрдэри сиэппиттэр.

Таптал тыллар сандаҥалар
Харалдьыктан ууммуттар,
Куту кууһар иһирэхтэр
Сылам сырдык куппуттар.

Кэрэчээҥҥиэн ньургуһунуом
Намчы тэлим мичээрим,
Налым иэйии симэхчээниэм,
Сааһы алҕыыр арылым.
        Сайылык Уола
             19.04.2019.

439 ebitem2
Комментарии:
avatar