Оскуолабар
Оскуола боруогун атыллыыр,
Оҕо саас кэмнэрбит аастылар.
Бүтэһик чуорааҥҥа уйдаран,
Олох киэҥ суолугар тахсабыт.
Омуннаах оҕо саас
Биһигэ буолаҥҥын,
Элбэх да сыраҕын
Биһиэхэ биэрбитиҥ,
Сып-сырдык мин күндү
Тапталлаах оскуолам.
Өссө да өр кэмҥэ
Кырдьары билбэккэ,
Кэнчээри ыччаты
Киэҥ суолга атаара,
Оскуола, чэчирии
Тупса тур өрүү.
Күнтэн-күн, саҥаттан-саҥаны
Билэрбит биһиги бу манна.
Элбэҕи ааҕаммыт-суоттааммыт
Билии киэҥ аартыгар ыттабыт
Ханна да буолларбыт оскуола
Махтана ахтыахпыт саныахпыт.
Эн биэрбит билиигин-үөрэххин
Киэн тутта бар-дьоҥҥо тиэрдиэхпит.
П.Новиков -Дьүкээбил