Ырыаһыт доҕорбутугар...

Чуумпутук иһийдэ тулабыт,
Ким эрэ ыллыырын күүппүттүү.
Үүт-тураан тумарык оргууйдук
Уоскуйан биэрбэккэ уһунна.

Х.ы.
Ким кэлэн, доҕорбут солбуйуой,
Эн нарын, Эн намыын куоласкын,
Бар-дьоҥҥор анаабыт ырыаҕын,
Байааныҥ эйээрэ тыаһыырын?

Өлөөнүҥ үрдүгэр киэһэнэн
Чолбонуҥ сулуһа сандаара,
Сөбүлээн иһиллиир куолаһын
Өр да өр эрэнэ күүтүөҕэ.

Х.ы.

Өрүү күөх болбуктаҥ хоҥкуйан
Туруоҕа лабаатын хамната,
Баҕардар кэлиэҕэ-диэбиттии
Ыллыккын маныырдыы одуулаан.

Х.ы.

Эйиигин, сүтэрбит доҕоттор,
Билэбит иккистээн кэлбэккин.
Ол эрэн, эн эрэн, Ньукулай
Кэриэстии сылдьыахпыт мэлдьитин...

П.Новиков-Дьүкээбил