Учуутал 

Ама ким ахтыбат буолуоҕай
Киэҥ – холку үөрэммит кылааһын?
Ама ким долгуйбат буолуоҕай
Оҕо саас кэмнэрин саныыртан?

Ол курдук долгуйа ахтабын
Өрдөөҕү ырааппыт кэмнэри,
Оскуолам чуор хатан чуораана
Уруокка ыҥыран тыаһыырын.

Суохтуубун биир тэҥҥэ үөрэммит
Убайдыы – бырааттыы дьоннорбун,
Оскуола үөрэҕин ылынар
Сүүс – сүүскэ өйөһөр кэммитин.

Ахтабын учуутал кылааска
Сурунаал кыбынан киирэрин,
Дуоскаҕа хайыһан ыларын
Дорообо – тылларын этэрин.

Махтана саныыбын кырдьаҕас,
Улуукан учуутал убайбын,
Олох киэҥ аартыгар киэн тутта
Атаарбыт кэрэ да киһибин!..

П.Новиков-Дьүкээбил