24.07.2024
П.Новиков-Дьүкээбил - Сааһырыыны буруйдуур, санаам суох

Сааһырыыны буруйдуур, санаам суох.
Сыл-хонук аастаҕын аайытын,
Сырдык-хараҥа былдьаһыытын,
Син-биир кыайан туппаппын.

Кырдьыыттан куотар, санаам суох.
Кырыа кыһыным хаарыныы,
Кырпай маҥан кырымахтан
Кылбаччыйдын хара баттах.

Элбэх сааһы уйбаккалар,
Эмэҕирбит мастардыы,
Элбэх сиринэн токуруйан
Эрдинэр уҥуохтар-сүһүөхтэр.

Арай дуу, өйбүн-санаабын
Отой туран биэрбэтэрбин...
Олохпун хайдах баарынан,
Тиһэҕэр диэри тиэртэрбин...

П.Новиков-Дьүкээбил

388 ebitem2
Комментарии:
avatar