16.07.2024
П.Новиков-Дьүкээбил - Өйдүүбүн культура киһитин

Өйдүүбүн культура киһитин,
Түүн-күнүс түбүктээх үлэтин.
Билиҥҥи сайдыылаах үйэҕэ
Бар дьоннуун үлэлиир эрэйин.

Өйдүүбүн культура киһитин
Түмүгэ көстүбэт үлэтин.
Төһөлөөх сүүрүүнэн көтүүнэн
Көрөөччү махталын ыларгын.

Билэбин культура киһитин
Дэгиттэр уус-уран дьоҕурун,
Барытын ытыска уурбуттуу
Бар дьоҥҥо утары уунарын.

Ол курдук олоҕуҥ устата
Төһөлөөх сыраҕын уураҥҥын,
Дьон-сэргэ махталын ылаҥҥын
Кэлбитиҥ буолуоҕай баччаҕа.

П.Новиков-Дьүкээбил

283 ebitem2
Комментарии:
avatar