13.07.2024
П.Новиков-Дьүкээбил - Долгуйда тулуурдаах Туймаада хочото

Долгуйда тулуурдаах Туймаада хочото,
Долгуннуу хамсаата уордайбыт тоҥ сирэ.
Хаайтарбыт хам баттыыр абаттан-сататтан,
Хаһыыран-бурҕайан бар-дьонун туруорда...

Өлүөнэ эбэбит көмүөлүн мууһунуу
Иннигэр турбуту барытын күрдьүөхтүү,
Модун дьон халҕаһа киин сиргэ уһунна,
Бааһырбыт баабырдыы өрүтэ уһуутаан.

Амырыын, алдьархай буолуоҕун син этэ
Ол эрэн дьон-киһи адьырҕа буолбатах
Ама да кыыһырдар туттунна сатаата
Алдьархай аан-иэнин тоҕута тарпата.

Бас туттар дьоннорбут өркөн өй хаалара
Ыллыктаах тылларын эрэнэн-ылынна,
Сахабыт дьылҕатын туһугар туруммут
Эр хаанын ылыммыт Эр хоһуун дьонноро.

П.Новиков-Дьүкээбил

298 ebitem2
Комментарии:
avatar