Чуумпу-нуурал, сөрүүн киэһэ,
Тыала суохха далгырыга,
Күлүк түһэр ыраас ууга
Көрүөхтэн кэрэтик ойууланан.

Хойуу мастаах ойуур-тыа
Ууга түһэрбит күлүктэрэ,
Ыраахтан чугаһаан кэлбиттии
Өссө үрдээн көстөллөр.

Үрүҥ баата былыттар
Оргууй ааһан иһэннэр,
Сиэркилэлии ыраас ньуурга
Көрүнэ түһэн ааһаллар.

Кэрэкэтиэн, чуумпу киэһэ
Күөлгэ киирэн турарга,
Сүрэҕи-быары уоскутар
Сииктээх салгыны тыыныахха.

П.Новиков-Дьүкээбил