ДОҔОРБОР.

Ыраах сылдьан эйигин
Ырыаларбар ыллыыбын,
Холоонноохпун,доҕорбун
Хоһооннорбор холбуубун

Сүрэҕим ыарыыта- ЭН
Санаам кута - ЭН ЭРЭ,
Арыаллыыр аанньалым - ЭН
Ахтар киһим- ЭН ЭРЭ!

Түлүк уугар киирэммин
Түүлгэр көстөн ааһыаҕым,
Түүн үөһүгэр кэлэммин
Түлэкитэн барыаҕым.

Ый суһумар холуубун
Ыраас тапталым уотун,
Күн күлүмэр тэҥниибин
Күлүмүрдэс иэйиибин.

ЛЮЦИЯ БАНДЕРОВА - СЛЕПЦОВА- АЙЫЛЛААНА.

05.02.2019 с.