13.07.2024
ЛЮЦИЯ БАНДЕРОВА - СЛЕПЦОВА - АЙЫЛЛААН - Эйигин кытары

Эйигин кытары.

Бу киэһэ биир бытаан үҥкүүгэ
Эн миигин сэмэйдик  ыҥырдыҥ,
Синньигэс биилбиттэн ылаҥҥын
Сэрэнэн нарыннык кууспутуҥ. 

Алыптаах музыка тыаһыгар 
Уйдаран эргийэ киирдибит,
Эн модун санныгар тайанан
Кынаттаах кэриэтэ дайабын. 

Таптаспыт харахтар утары
Харсыһан ылаллар минньийэн, 
Сүрэхтэр кэпсэтэр тылларын
Эн эрэ биһикки истэбит.

Бэйэҕэр сыһыары тардаҥҥын 
Кулгаахпар сипсийэн эппитиҥ:
" Сүрэхпэр - соҕотох эн эрэ 
 Итэҕэй, чыычааҕыам "-? диэбитиҥ.

Билэбин, доҕоруом  билэбин 
Миигин эрэ күүскэ таптыыргын,
Сүрэххэр иитиэхтии сылдьаргын
Сирдээҕи аналыҥ буоларбын .

Тапталым имэҥнээх сүмэтин
Эйиэхэ эрэ мин аныыбын,
Уохтаахтык уураһан - сыллаһан
Уостубат иэйиигэ умсуохпут.

ЛЮЦИЯ БАНДЕРОВА - СЛЕПЦОВА - АЙЫЛЛААНА.

388 ebitem2
Комментарии:
avatar