Кууһууй миигин

Кууһууй миигин тапталлааҕым
Курус санааны үүрэҥҥин,
Киирэн кэлиий мичээрдээҥҥин
Күнүм уотун санатаҥҥын. 

Сылаас кууһуу, истиҥ сыһыан  
Сылаанньыта абылыаҕа,
Сибигинэй кууһан туран
Сырдык, ыраас тапталгын эн.

Таптыыр киһим кууһарыттан
Талбаараммын туруоҕум мин, 
Тиҥ - тиҥ тэбэр сүрэхтэрбит
Тыастарыгар бигэнэммин.

Хаҕыс тыалтан хаххалааҥҥын
Харыһыйа кууһан ылыый,
Хаһыҥ, силлиэ силбигиттэн
Харыстааҥҥын кууһан турууй !

 Люция БАНДЕРОВА - СЛЕПЦОВА- АЙЫЛЛААНА.