Эр киһи

Кинини сиримэҥ
Сирэйин  көрүмэҥ,
Дьүһүнүн дьүүллээмэҥ,
Майгытыгар манньыйыҥ
Дууһатыгар дьулуһуҥ.
Киһи бэрдэ килбиэннээҕэ
Эр киһи эрэллээҕэ,
Эппит тылын толорор
Кини буолуо итэҕэйиҥ!
Үлэһит үтүөтэ
Хаһаайын хайҕаллааҕа,
Суон дурда,халыҥ хахха
Иэримэ дьиэ баһылыга,
Байанайдаах булчут,
Сурахтаах сонордьут.
Эр киһини харыстааҥ
Үчүгэйин була сатааҥ
Далбардарга биһиэхэ
Иккис оҕобут тэҥэ киһи.
Ийэ   оруолун толорон
Иһирэхтик таптыаҕыҥ,
Аһылыгын маанылаан
Тотоойутук аһатыаҕыҥ!
Оччоҕуна эр киһи
Олоҕор кыһаллыа,
Күүс -сэниэ эбинэн
Күннэтэ тупсуоҕа.
Үгүс элбэх былаанын
Үмүрүтэ тутуоҕа,
Үлэтэ  кыаллыаҕа
Үйэтэ уһуоҕа !
Эр киһи-олохпут тутула
Эр киһи-эрэнэр эркиммит,
Эр киһи-халыҥ хаххабыт
Эр киһи-кэрэҕэ сиэтээччи,
Эр киһи-өркөн өй чөмчөкөтө
Эр  киһи  -ыараханы  
 чэпчэтээччи  ,
Эр киһи-ырааҕы чугаһатааччы
Эр киһи-талааннаах бөлүһүөк.
Эр киһи-утуму салҕааччы
Эр киһи-норуоту түмээччи,
Эр киһи-айылҕа бэлэҕэ
Эр киһи-тирэнэр тирэхпит!
Эр киһитэ  суох ,олох СУОХ!

Люция
Бандерова -
Айыллаана.
 2021  сыл