Доҕорбор

Сүрэхтиин курдаттыы тартаран
Соҕотох эйигин ахтабын,
Кэлэргин эрэнэ күүтэбин
Кэм- кэрдии хонугун ааҕабын

Анаабыт хоһооҥҥун анаара
Ааҕаммын долгуйан ылабын,
Килбиктик кыбыста кыыһабын
Курустук мин өрө тыынабын

Төһө да эн ыраах буолларгын
Тапталбыт утаҕа биир ситим, 
Хаарыаннаах сыһыаны саһыарар
Харысхал бэлиэтэ үс кутум

Илбистээх тылым илэ тиийэн
Иилии эргийдин эйигин, 
Саталаах сатарыыр саҥам
Санньыйбыт санааҕын көтөхтүн.