Сталин дьиэтэ.

Абхазия хайатын быыһыгар,
Хара муора аттыгар,
Кыра,дьоҕус дьиэ турар
Ааспыт дьыллары санатар.

Дьиэ иһэ хараҥа,чуумпу
Тэрилэ былыргы,урукку,
Мэник тыал түннүгү хамсатар,
Ньиксит сыт муннуга охсуллар.

Килэйии-халыйыы көстүбэтэх,
Кыра да кырааска сыстыбатах,
Мас орон,остуол,олоппос
Барыта судургу,дьоҕус.

Дьиэ таһын көстүүтэ мөлтөх,
Сибэкки арааһа олорботох,
Фонтан сэмнэҕэ хомуллубатах,
Көрөргө курус,хобдох.

Бу дьиэҕэ олорбута сирдьиппит,
Аҕа дойду сэриитин кыайбыт,
Аан дойдуга аатырбыт,
Ытыктыыр киһибит Күн Сталин!

Ыстаал тимирдии эллэммит,
Эрэйи эҥээринэн тэлбит,
Бэйэтин үйэтин киһитэ,
Улуу Кавказ чулуу уола.

Баайы-дуолу мунньубатах,
Кыырпах көмүһү иҥэриммэтэх,
Тас дойдуларга сыбыытаабатах,
Көҥүлгэ,босхоҕо көччүйбэтэх.

Дыбарыас дьиэ туттубатах,
Таҥас-сап хаһаамматах,
Ойоҕун,оҕолорун маанылаабатах
Алмааһы,харчыны уурумматах.

Олорбута норуотун туһугар,
Элбэх дойдуну тула түмэн,
Улуу Сойуус кыаҕын ыларыгар,
Өйүн-санаатын барытын ууран.

Төһө да ааккын хоруотааталлар,
Норуотуҥ сүрэҕэр тыыннааххын,
Аҕа дойду сэриитин кыайбыккар
Улуу Сталиҥҥа махталбыт улахан!

Лилия.  22.08.2015с Абхазия.