Санаатым...

Санаатым,биһиги эдэрбит...
Былыта суох халлаан дьэндэйбит,
Ньургуһун сибэкки тэлгэммит,
Сир кырса күөҕүнэн симэммит.

Хатыҥнаах чараҥмыт суугунаан,
Эйэргии көрүстэ мичийэн,
Мүөт дыргыл сытынан илгийэн,
Күн чаҕыл уотунан күндээрэн.

Ол ыраас иэйиигэ куустаран,
Тарбахтан сиэттиһэн,сэгэйэн
Көтүөхтүү дугунан,уйдаран,
Хаамарбыт сэрэниин,сэрэнэн.

Үчүгэй да этэ дьикти саас,
Тапталга ылларбыт эдэр саас,
Кэҕэбит чоргуйан этэрэ,
Инники дьылҕаны түстүүрэ.

Билигин мин түһээн көрөбүн,
Ол кэрэ,сып-сырдык күммүтүн,
Эн биһи эдэрбиит,эдэрбит
Сиэттиһэн хаамабыт,дьоллоохпут.

Лилия.