24.07.2024
Күөрэгэй Бүлүү - Саҥа дьыл түүнүгэр

Саҥа дьыл түүнүгэр

Саҥа дьыл буолар түүнүгэр
Кураммыт охсор кэмигэр,
Саҥа дьыллааҕы баҕабын
Көрдөһүөм сэмээр кистээммин.

Саҥа дьылга - сырдыгы,
Санаарҕыыр кэми кыйдаатын,
Сүрэх мууһурбут кырыатын,
Сүгэһэр буолбут ыарыытын.

Айыыларым арчылаан
Аттыбар буоллун арыаллаан,
Санаа көтөҕөр алгыһа
Саҥа күнүм сардаҥата.

Алыптаах түүн тырымнаан
Араас өҥүнэн күлүмүрдээн,
Ааспыт сылы атааран
Аҕалыа үөрүүнү - көтүүнү.

Кэлэр кэммэр мин эрэлим -
Кынаттаннын ситиһиим,
Таптал уотун симэнэн
Толору дьоллоох мин буолуум.

Күөрэгэй
Бүлүү 01.12.17с.

440 ebitem2
Комментарии:
avatar