Айанньыт
Сандаарыйа тыгаммын,
Сыдьаайа сырдааммын,
Олорор олоҕум тухары
Айанньыт киһи буолабын.
Айаным усталаах суолугар
Аргыс буолуом туһалаах,
Кимиэхэ эрэ - бүтүн олоҕо,
Кимиэхэ - тулалыыр эйгэтэ.
Кынчарыйа да көрдүннэр,
Таҥнарар да буоллуннар,
Өйүм - санаам күүһүнэн,
Өстөөхтөрү кыайталыам.
Айылҕа оҕото буоламмын,
Айыы санаам аргыстаһан,
Айыыларым арчылаатыннар,
Алгыстарын анаатыннар.
Күөрэгэй
Бүлүү 20.02.18с.