Сипсийэн уоскутууй
Тоҕойго, ол онно тураммын
Тоһуйуом эйигин мичээрдии.
Тосхойбут дьолбун туойуом,
Толору иэйиибэр ойуулуом.
Саҥаттан уотунан күөдьүтэн,
Сылытыый тапталыҥ суоһунан.
Сүрэҕим кэпсиирин истээриий,
Сипсийэн уоскутууй ыарыытын.
Бүтүннүү, курдаттыы таттаран
Бэлэхтээ билинэр тыллары.
Тулабын эргиччи сандаардан,
Тапталга бигэтик суулаарый.
Иэдэстэргин илиибэр тутаммын
Сыллаан, уураан ылыаҕым.
Сырдык сулустуу сандааран
Сылааһынан сыдьаайыам.
Күөрэгэй
Бүлүү 02.02.19с.