24.07.2024
Эр Хоһуун - Федот Аммосов.Хоhун Уола. Найба. Булун

Эр Хоһуун

Чысхаан, силлиэ аргыстаах,
Чолбон сулус сирдьиттээх,
Чуоҕур хара уучахтаах
Чулуу булчут эр Хоһуун.

Чубуку сүүрэр хайатын,
Чоҕур очуос хаспаҕын,
Чоҕуоруспут таастарын
Чуҥнаан бултуу бараҕын.

Чыыстай үрдүк систэрин
Чыпчаалыгар тахсаҕын,
Чараас хаардаах маардарын
Чаҕыйбакка тэпсэҕин,

Чуораан тыаһа лыҥкынаан
Чугдаарара иһиллэр
Чысхаан тыаллыын сырсыһан
Чулуу булчут эргиллэр.

Ф. Аммосов .Хоһуун Уол. Найба. Булуҥ.

146 ebitem2
Комментарии:
avatar