Үчүгэй да кэмҥэ олорон ааспыппыт
Барыта баара ээт,барыта
Үөрэхпит эмпит да барыта босхото
Эт аспыт,үүт аспыт,толору буолара..

Кимтэн да уһулу барбыты көрбөппүт
Оскуола биир форма, пионер,комсомол...
Көхтөөх да буоларбыт кыралыын кыамматтыын
Олохпут ирдиирэ ол оннук буоларга...

Сүөһүбүт, сылгыбыт толору буолара
Аччыктаан өлбүтү истибэт буоларбыт..
Табабыт элбэҕэ,саһыллаах да этибит
Массыына трактор, оо элбэх да буолара..

Тэрилтэ арааһа тигинээн таҥынаан
Үлэҕэ угуйар плакат ол бу араас..
Барыта баар этэ биһиги саҕана
Ама дуо диэтэрэ,билигин билбэттэр..

Самолет көтөрө күн ахсын хаста да..
Кэлэргэ барарга дьон киһи элбэҕэ..
Киинэбит кулуубка хаста да буолара..
Танцыга эдэрдэр,күннүүр да буоларбыт..

Түһээтим ду, тугуй ду,диэх курдукпун..
Үчүгэй да олоххо олорон ааспыппыт...
Кэтэспит аҕай Коммунизыммыт
Кэлэн ааспытын билбэккэ  хаалбыппыт..

Е.Васильева.