Эйиэхэ эрэ мин анааммын
Булуоҕум ньургуһун хойуутун,
Күн уотун утаҕын уһатыам
Халлаантан былыты мин кыйдыам.

Бэйэҥ да ньургуһун курдуккун
Тапталым бэлэҕэ буолаҥҥын,
Аттыбар сырдыаҕыҥ мичийэ
Илииги биэриэҕиҥ эрэнэ.

Эйиэхэ анаммыт сааскы күн
Ньургуһун симээбит сыыр быарын,
Эйиэхэ эрэ мин сирдиэҕим
Эргиччи кэрэни бэлэхтиэм.

Үрдүбэр ып-ыраас  халлаантан
Кутуллар сып-сылаас күн уота,
Тулабар ньургуһун ыһыаҕа
Аттыбар эн кэрэ мичээриҥ.

Көннөрдүм.Дьуур