Эбээм миэнэ эйэҕэс
Ытыстара сып-сылаас,
Мичээрдиирэ күн курдук
Сыллаан ылар уйаннык,
Күөрчэх,суорат бэлэмниир
Сандалыга сайбайар,
Сыллаан ылар ээр сэмээр
Суһуохтарбын бэрийэр.
Эбээкэбин таптыыбын
Көмүскэ да биэрбэппин.

Эһээм эмиэ дьэ хорсун
Тойуктуура доргуйар,
Киирэн-тахсан элэҥнэс
Биһи диэки мичээрдиир,
Иккиэннэрин таптыыбын
Иккиэннэрин кууһабын,
Икки күнүм кэриэтэ
Эбээм эһэм миэннэрэ,
Иккиэннэрин таптыыбын
Көмүскэ да биэрбэппин.