Сүрэх-тымыр тыгыалыыр
Итии хааммыт сүүрэлиир,
Сандал сааспыт сылыйда
Иэйии көбөн угуйда.
   .
Тугу эрэ күүтэллэр-
Эдэр кыысчаан тапталы,
Эдэр уолан нарыны
Далбар хотун уйаны.

Ньургуһуннаах кырдалы
Сэгэригэр сирдээри,
Эдэр киһи кэтэһэр
Ньургуһуна быгарын.

Хара сиргэ хаамсаары
Ньургуһуну уунаары,
Таптал тылын этээри
Уолан сүрэх долгуйар.
  , 
 Тыллар,тиллэр барыта
Тырым уоттаах сааскы күн,
Орто дойду кэрэтэ
Ойор күннээх сааскы күн.