13.07.2024
Анастасия Болтокова

Сүрэҕим сүр күүскэ тэбиэлиир,
Сэгэриэм, эйигин санааммын.
Тапталбыт кутаатын уматан,
Толору дьоллоотуҥ,доҕоруом!

 Итэҕэй, кэлэргин мин күүтүөм,
Инники кэскилбит туһугар,
Суруккун долгуйа кэтэһиэм,
Саныыргын билэммин мин үөрүөм.

Эйэҕэс мичээрг н бэлэхтээн,
Эн кэлиэҥ, тулабын сырдатан,
Тапталгын сипсийэн этэҥҥин,
Таарыйыаҥ мин дууһам кылларын.

Оччоҕо бу кэлэр олохпун
Олорчу эйиэхэ мин аныам.
Күн сирин күндүтүн барытын
Кэрэчээн киһибэр мин уунуом!

 Кэлиий дуу, доҕоруом, эн миэхэ.
Күннэри - түүннэри күүтэбин.
Көрөбүн харахпар ойуулаан,
Көрсүһүү ол кэрэ түгэнин.

Анастасия Болтокова- ДьолУуна
19.10.2018

352 ebitem2
Комментарии:
avatar