16.07.2024
АйарСаргы - Сэгэртэйим ааммын аһан

Сэгэртэйим ааммын аһан
Сэгэйэҥҥин киирэн кэлиий,
Саппаҕырбыт дьиэм иһигэр
Сардаҥаны ыһан үөрдүүй.

Оччоҕуна ыраас иэйиим
Тиллэн кэлиэ, тиийэн кэлиэ,
Олус кэрэ ыра санаам
Тырым гыныа, тыллан барыа.

Кыыһар сарыал мичээргинэн
Киирбит күммүн сырдатаарыый,
Хара чөмчүүк хараххынан
Хайгыы көрөн долгутаарыый.

Оччоҕуна ыраас иэйиим
Тиллэн кэлиэ, тиийэн кэлиэ,
Олус кэрэ ыра санаам
Тырым гыныа, тыллан барыа.

Таптал тылын таайтараҥҥын
Дууһам кылын таарыйаарыый,
Сүрэх нарын аанын аһан
Сибэккинэн симээн ааһыый.

Оччоҕуна ыраас иэйиим
Тиийэн кэлиэ, тиллэн кэлиэ,
Олус кэрэ ыра санаам
Тырым гыныа, тыллан барыа.

АйарСаргы 
Кэбээйи 2019с.

390 ebitem2
Комментарии:
avatar