Марианна Федотова-Намыына - Хаар ырыата

ХААР ЫРЫАТА❤️❄️❄️❄️

Наталья Михалева-Сайа тыллара,
Марианна Федотова-Намыына мелодията, толоруута
Иван Наумов аранжировката,
Семен Ченянов куолас устуута 

Үрүҥ көмүс ытыгынан
Халлаан күөрчэх ытыйар,
Сиргэ кыырпах сулуһунан
Иэйии кыыма ыһыллар.

Саҥарбакка эрэ сатаан
Сандаарыйа ыллыыр хаар,
Таптал эрэ тылын наардаан
Намылыйа сырдыыр хаар.

Тыаһа суохтан субу маннык
Тыллан кэлэр дорҕоон баар:
Табыллыбыт ырыа курдук
Талбаарыйа түһэр хаар.
 
Саҥарбакка эрэ сатаан
Сандаарыйа ыллыыр хаар,
Таптал эрэ тылын наардаан
Намылыйа сырдыыр хаар.
 
Олох бары уустуктарын
Уҕарытыах курдук хаар,
Санаа бары кырыаларын
Уулларыахтыы түһэр хаар...

Саҥарбакка эрэ сатаан
Сандаарыйа ыллыыр хаар,
Таптал эрэ тылын наардаан
Намылыйа сырдыыр хаар.